ನೀ ನನ್ನೊಳಗೆ

ನೀನು ನನ್ನೊಳಗೆ ಅರಳಿದ ಕತ್ತಲೆಯಲ್ಲ;

ನೀನು ಬೆಳಕು

ನೀನು ಒಳಗೊಳಗೇ ಬೆಂದ ಯಾತನೆಯಲ್ಲ

ನೀ ನಗುವಂಚಿನ ನಿಮಿತ್ತ

ನೀನು  ಕಣ್ಣೊಳಗೆ ಅಡಗಿದ ಕಣ್ಣೇರಲ್ಲ;

ಕಣ್ಣ ಮಿಂಚು

ನೀನು ಉಸಿರೊಳಗೆ ಹೆಚ್ಚಿದ ಎದೆ ಬಡಿತದ ಗುಂಗಲ್ಲ;

ನೀನು ಉಸಿರು

ನೀನು ತುಡಿತವಲ್ಲ;

ಹೃದಯದೊಳಗಿನ ಒಂದು ತವಕ

ನೀನು ಮಾತಲ್ಲ,

ಸದ್ದಿಲ್ಲದೆ ಕುಳಿತ ಗಳಿಗೆ

ನೀನು ಕನಸಲ್ಲ;

ಹೃದಯದಂಚಲಿ ಉಳಿದ ನಿನ್ನೆಯ ನೆನಪು

ನೀನು ನಿನ್ನೆಯಲ್ಲ

ನಾಳೆಗಳ ಹೊಂಗನಸ ಬರೆದ ಚಿತ್ರದ ಕುರುಹು

ನೀ ನನ್ನೊಳಗೆ

ಮರೆತ ನಿನ್ನೆಯ ಕಾಣದ ನಾಳೆಯ

ಕನಸು ಹೊಸೆದ ದಿನಗಳು